Buscar 
 {Search} 
 Lo nuevo 
 {What's new} 
 ═ndice de lenguas 
 {Indigenous language index} 
 Publicaciones 
 {Publications} 
 Acerca de nosotros 
 {About us} 
 Contßctenos 
 {Contact us} 
 
Pßgina principal  >  Familia seri  >  Cinco cuentos seris  >  La Muerte de C÷imaxp
Home  >  Seri family  >  Five Seri stories  >  The Death of C÷imaxp


Muerte de C÷imaxp (seri)
Jes˙s Morales, tiix oahiha

La Muerte de C÷imaxp

 
The Death of C÷imaxp



C÷imaxp quij xica hast ano coii Coftec÷l iti coii coi zo haaha. Cmique caiiha xo quisiliha. Hamazaj quih hax quih an ihiip quih hant zo c÷tiijmax ipac ac iti tiijx ionam itani cah toc c÷tiij yoque.

F006-muerte1.gif

Ox tpactama Coftec÷l hipcap iti toii Ýi toc c÷coiiha xo itaaaxoj ziix hast iizx ano coom cah imiiitoj. Xapoo quih mos imiiitoj xo mos iteemetma tojocam hast ihmaa himcap iqui mitoij. Hast com tyeeno hoox hant toomma taax hant xepe imac quiij xahxaii hast hipquijo haaha xo xtaasi itmis iti yiij. Xica hast ano coii quih xtaasi hapee iyoii. Taax iti toii xica tacom imiiitoj. Xapoo quih mos imiiitoj. Taax iti toii ziix hast iizx ano coom quih caacoj quih haquix tiihx hax yapolo taax coof coopol yopah. Taax iti toii iiitoj iti hant quih ihmaa cap c÷siifp tama ox xah yee zo toc c÷tiij:

—Coftec÷l himcap c÷hasitoij poho. Hant haa miifp. C÷hasitoij poho—xah mee.

Ox impactatax hascaaj quih tomcoj c÷quiihihi toc c÷momat. Ox tpactama xepe timoca imaait. Xapoo coi anx÷ itac÷toj itahasjoj toc c÷momat. Hascam quih iij com tazo ticom heme tazo quih c÷ititaaima iti yaii.

Haa mihat iti hast cap iicx cah iscaaaj tama xepe quih ipot com tanojma ox xah mee:

—Ziix ccam caacojih haa ntxoa! Asjoj asjoj!—ox xah yee.

Ox tpactama xica coi yeen iicp quiij ziix cmique caii Oficj Coil hapah quih yeen iicp tiij toc c÷tiijma hacat cooxp caacoj timoca xica tamocat ano tafp iixl cah itexl itahit toc c÷yiihtim. C÷imaxp com taax quicot toom hacx cmiihiha.

F006-muerte2.gif

Ox tpactama ziix cmique caii Oficj Coil tintica itcailma iqui impanzx xah mimoz xo quihaha. Canoaa quiha hapah quihiha taaxo c÷quihaha yax ix÷t quih caacoj hipcom c÷miifp xo ix÷t hipcom c÷itacoxot yoque. Haaco tamama aama. Poixajta ox impactaha

Ox tpactama iqui ipanzx cah Coftec÷l Iifa hapah quih haa miip. Tiix xnai iicp it taax contitat haxoj hant c÷temema c÷ihitaai ac iti toom itcmaiix xica coi hamac ititlamma hamcaaxat quih itsii itcmaiix hax hapxo toom toc coyom. Toc c÷ihom iti ixaap toocjma hax hanto tfiima hant izeecp himcac hast z iicp miip. Hastojic÷la impah. Iicp ac iicp mota toc c÷moya. Haa mota yipon. Ziix ccam caacoj xepe quih ano quiih quih haa mota. Hapx toomx cooxnijo hax tahii hax ta haa moya.

Ox tpactama ziix ticom ittii hapx itacl hipcomo iti toom toc cotom ittii hax hamaco isoj iqui yocaaij. Ox ipacta iti cmaax ziix timoca c÷ipaho c÷moya xah teeye.

Ox tpactama ziix timoca c÷ipaho c÷motama cmaax iqui isoj itcaaij cmaax hoox iqui tyeeno toc coyom. Haa miha cah ziix com hoox c÷toomtx÷ iyaai cah c÷yoofp. C÷tafp hax ta xica coi taax iti toii pte tafp hanso pte tfitimma xepe quih hant quih iti imahimej. Taax iti itahimej cmaax hant yoohca.

Ox tpactama hascam com mos halx coleequÝi itafitlam taax iti toii hast cap iti toii ihooctam ihooctam iti hacat cooxp caacoj com iyooc÷ ziix tahac c÷moca quih. Ziix hast iizx ano coom xahxaiihi toc c÷moya. Toc c÷mota ziix com iyooc÷. Itac÷ itaxi mos hant iicp miha taax iqui tiin hapx toomx ox mee ox ihe cah hipi hant iicp miha tahac contita toii ntiya.

F006-muerte3.gif

Taaxo c÷tpactama cmaax hascam com xepe an itacmolca cmaax hant quij hizac c÷itafailcam xica quih quiistox quih hipi iha ocoaj quih haa toii tatxo haa toiima taax iqui iyofailcam. Pajii hapah quih iicp taax comcaac quih iti moii. Pajii hantipzx quih taacoj haa ntiya. Taax ano moiitim.

Ox tpactama tahaco c÷ipacta iti cmaax ano tazcam ox xah yaza:

—Hascaaj quih comcaac quih c÷tiiho hacx immiihtoj.

Ox impacta taax iti C÷imaxp hapah quih iti hacx c÷yomiih ziix quisil quih. Taax iti c÷ihiyatiha C÷imaxp com hacx c÷imiih ac c÷izax÷ ac.



C÷imaxp era un hombre peque˝ito que vivÝa en la isla San Esteban. ╔l era un seri. Cuando se sentaba detrßs de un cßntaro, sˇlo se veÝa su sombrero.

Un dÝa se fue con su grupo a la isla San Lorenzo en busca de comida, y luego de un a˝o decidieron regresar a San Esteban. Hicieron siete balsas y emprendieron el regreso. Cuando se acercaban a la peque˝a isla, un gran tiburˇn blanco los atacˇ y se comiˇ a algunos. Entre ellos estaba C÷imaxp.

Un hombre llamado Camisa Azul con los que iban en su balsa pudo salvarse remando muy rßpido. Ya en la playa hicieron fuego y durante dos dÝas esperaron a que el tiburˇn se fuera; pero Úste al oler el fuego, se quedˇ allÝ.

En la ma˝ana del segundo dÝa vino un animal marino enorme y extra˝o parecido a una iguana gigante, matˇ al tiburˇn y luego se fue.

Entonces los que quedaron vivos fueron a donde se encontraban los demßs seris, cerca del Campo PajÝi, y les dijeron a los demßs que las balsas y la gente habÝan desaparecido. AsÝ muriˇ C÷imaxp, el seri peque˝ito.

AquÝ se acaba la historia de la muerte de C÷imaxp.


 

C÷imaxp was a small Seri man who lived on San Esteban Island. When he sat behind a water jug, one could only see his hat.

One day he went with his group to San Lorenzo Island to look for food, and after a year there they decided to return to San Esteban Island. They made seven reed boats and started their return trip. When they were close to the small island, a large white shark attacked them and ate some of them. One of those killed was C÷imaxp.

A man named Blue Shirt was able to paddle quickly and save himself and those who were traveling with him. Once they arrived to the beach, they made a fire and waited for two days for the shark to leave, but the shark smelled the fire and stayed close.

On the morning of the second day a large and strange sea animal that resembled a giant iguana came and killed the shark and then left.

Then those who were left alive went and found the other Seris, who were near Camp PajÝi, and told them that the other reed boats and people had disappeared. That's how C÷imaxp, the little Seri man, died.

That's the end of the story of the death of C÷imaxp.