Versión en español English version

Tomela'tájto̱l
Náhuatl de Mecayapan y
Tatahuicapan de Juárez, Veracruz
(código nhx de la ISO)
Nij xicpitzcohuili iga
mamitzsiajquetza ipan mela'tájto̱l
.
Taochin ehuato' ipan ícpal

Tomela'tájto̱l mocaqui Mecayapan hua̱n Tatahuicapan huan sequin altepemej yej najna'san ipan estado de Veracruz. Yej cha̱ntitoquej Pajapan achi se'pa itajto̱lmej, malej iga na̱'san ayá̱' táhuel mocaqui quen iga tajtohuaj.


mapa
mapa

Nipoxmiaquejmej yej nimela'tájtohuaj. Ini̱mej o̱me municipio quipiáj quen 30,000 tocnimej, ijcó̱n quijtohuaj yej taconta̱rojquej ipan año 2000.


Ini̱npa tomela'tájto̱l quipiá t ca̱n sequin nahuatl quipiáj tl ca̱n pe̱hua tájto̱l ihuá̱n tajcotájto̱l. La t ihuá̱n k mocuepaj saltillo ['] ca̱n tami tájto̱l. Tájto̱l yej sequin yej huejca cha̱ntitoquej quijtohuaj ta̱catl nejamej niquijtohuaj ta̱ga̱' . Ono' vocal yej tic-hueyaca̱naj iga tiquijtohuaj (largo de la vocal), ino̱mej vocales mota̱liliá se̱ raya itampa cua̱' mojcuilohua. Ijquí̱n mojcuilohua tajtohua ista' 'sal' ihuá̱n tajtohua ista̱' 'blanco'; tajtohua panoj 'pasó' hua̱n tajtohua pano̱j 'pasará'.


Mecayapan
Mecayapan
Tatahuicapan
Tatahuicapan

Sequin yej tajtohuaj náhuatl yej huejca icha̱mej aquipiáj oclusivas yej na̱huatij ipan totoscatan, quen la b, d hua̱n g. Tejamej tiquijtohuaj tajtohua babasoti', '(pelo) desordenado', tajtohua dadapoti' 'roñoso' hua̱n tajtohua go̱xi, 'trompo (juguete)'. [Mocaqui iga babasoti' tami hua̱n saltillo cua̱' ticaqui mosen-ijtohua ihuá̱n san; tajtohua babasoti'san. Mocaqui iga go̱xi ayá̱' tami hua̱n saltillo cua̱' ticaqui mojtohua ihuá̱n san; tajtohua go̱xisan.]


Ini̱npa tomela'tájto̱l tane̱xtiliá siga yej tacaqui no̱ quichihuas quen quichi̱huas yej nemi tajtohua. tajtohua Matia̱ca̱n quijto̱jnequi iga yej tacaqui no̱ mayahui, tajtohua mania̱ca̱n quijto̱jnequi iga yej tacaqui ayá̱' yahui.


Cua̱' agaj quijtohua tajtohua quitamacaquej, aticmatij a̱'yéj tatamaga'. Huel se̱ quitamacaquej sequin, huel sequin quitamacaquej sequin hua̱n huel sequin quitamacaquej se̱. Siga ticaqui agaj quijtohua nimitztamacaquej, aticmatij siga se̱ quitamacaquej sequin, huel sequin quitamacaquej sequin hua̱n huel sequin quitamacaquej se̱.


--Christopher L. Hurst


Tajto̱lmej yej mocaqui nigaj, tajtohuaj ihuá̱n Esteban Pérez Ramírez



Mecayapan, 1969
Quiye̱'ta̱lquej iní̱n ojti Mecayapan quen 1969
De la colección de Carl Wolgemuth, usada con permiso

Icpal
Ícpal icyay quichijquej iga cuahui' iga ípan mota̱lilo.
Nigaj no̱ huel tiquita ini̱mej:
No̱ huel tiquita se' sitio: